Xitoyning Xeyxe shahrida epidemiologik vaziyat sababli jamoat transporti ishi to‘xtatildi

Xitoyning Xeylunszyan provinsiyasida joylashgan Xeyxe shahrida epidemiologik vaziyat sababli jamoat transporti qatnovi to‘xtatildi. Ushbu taqiqlov avtobuslar bilan bir qatorda taksilarga ham taalluqli bo‘ladi.

Ta'kidlanishicha, transport ishi tiklanishi haqida keyinroq ma'lum qilinadi.

Xeylunszyan sog‘liqni saqlash qo‘mitasi 28 dekabrda Xeyxeda koronavirusning o‘tkir shakldagi shtammiga chalinish bo‘yicha 4ta yangi holat qayd qilinganini ma'lum qilgandi.

Shu sababli 1 yanvardan Xeyxe aholisiga shaharni samolyotlarda tark etish taqiqlangandi.

Xeyxe Amur daryosi bo‘yida joylashgan va Rossiyaning Blagoveshchensk shahri bilan avtomobil ko‘prigi yordamida bog‘langan.