19:02 / 06.01.2021
3789
Қаршида Тоифаланган объектларни қўриқлаш қўшинлари учун янги штаб биноси фойдаланишга топширилди

Ватан ҳимоячилари куни арафасида, Мудофаа вазирлиги Тоифаланган объектларни қўриқлаш қўшинлари қўмондонлигининг Қаршидаги ҳарбий қисми шахсий таркиби учун янги штаб биноси фойдаланишга топширилди.

Фото: Мудофаа вазирлиги матбуот хизмати

Қўмондонлик матбуот хизмати хабарига кўра, бинолар очилиш маросимида Тоифаланган объектларни қўриқлаш қўшинлари қўмондони полковник Журъат Якубов, Жануби-ғарбий махсус ҳарбий округ қўмондони полковник Зайнобиддин Иминов ва жамоатчилик вакиллари иштирок этди.

Ҳарбий қисм жамоасига енгил автомобиль калити топширилгач, жанговар хизмат фаолиятида юқори натижаларга эришган бир гуруҳ ҳарбий хизматчилар рағбатлантирилди.

Мажмуа – хизмат хоналари, қўшинларни тезкор бошқариш учун мўлжалланган қўмондонлик штаб пункти, кутубхона, маънавий-маърифий тайёргарлик хонаси кабилардан иборат.

Top