Xitoy sharqidagi oltin konida portlash oqibatida 22 konchi yer ostida qolib ketdi. Bu haqda 11 yanvarda Global Times nashri xabar berdi.
Ta'kidlanishicha, voqea Shandun provinsiyasida yuz bergan. Portlash zarbasi oqibatida kon devorlari va yuqoriga ko‘taruvchi mexanizmga zarar yetgan. Natijada 22 konchi yer ostida qolib ketgan. Aloqa tizimi ishlamayotgani sababli konchilar bilan hanuzgacha aloqa o‘rnatishning imkoni bo‘lmagan.
Voqea joyida qutqaruvchilar ish olib bormoqda.
