Tramp: Pekin Eronga qurol yetkazmaslikka va’da berdi

Ma’lum qilinishicha, Xitoy ilgari ham AQSh neftini ma’lum hajmda import qilgan. Biroq Tramp 2025 yilda Xitoyga qarshi “savdo urushi”ni boshlaganidan keyin bu xaridlar keskin kamaygan. Shuningdek, Pekin Amerika soyasi o‘rniga asosan Braziliyadan yetkazib berilayotgan mahsulotlarga o‘tgan.

Tramp intervyu davomida Si Jinping Eronga ta’sir o‘tkazishi mumkinligiga ham umid bildirgan. Uning so‘zlariga ko‘ra, Xitoy rahbari Pekin AQSh va Isroilning Eron bilan urushini to‘xtatish bo‘yicha muzokaralarga yordam berishni hamda Ho‘rmuz bo‘g‘ozida kemalar qatnovini qayta tiklashni istayotganini aytgan.

Shu bilan birga, Tramp Si Jinping Eronga qurol yetkazib berilmasligiga va’da berganini ham ta’kidladi.

AQSh prezidenti Eron bilan munosabatlar haqida gapirar ekan, Vashington bundan buyon Tehronga nisbatan sabr qilmasligini bildirdi. Uning fikricha, Eron AQSh bilan kelishuvga erishishi kerak.

Tramp Eron to‘plagan boyitilgan uran masalasiga ham to‘xtalib, uni “ko‘mib tashlash mumkinligi”, ammo o‘zi bu uranni “nazoratga olishni afzal ko‘rishi”ni aytdi.

Shuningdek, u hozirgi Eron rahbariyatini “aqlli insonlar” deb atab, AQSh ular bilan muzokaralar olib borayotganini ma’lum qildi.