«Ilmga ko‘mak» aksiyasi: Xorazmdagi madrasaning 5 nafar talabasi uchun shartnoma pullari to‘lab berildi

«Vaqf» xayriya jamoat fondi 14 yanvar kuni «Ilmga ko‘mak» aksiyasini e'lon qilgan edi. Aksiya maqsad – O‘zbekistondagi diniy ta'lim muassasalarida o‘qiyotgan 20 nafar ijtimoiy ko‘makka muhtoj talabalarning shartnoma pullarini to‘lab berish.

Aksiya orqali jami 101 562 408 so‘m xayriya mablag‘i jamg‘arish rejalashtirilgan.

Fond xabariga ko‘ra, ayni paytgacha bu mablag‘ning 43 million so‘mdan ortig‘i yig‘ilgan.

«Bugun ushbu xayriya hisobidan aksiyaning 1-bosqichida Xorazm viloyatidagi Imom Faxriddin ar-Roziy o‘rta maxsus islom bilim yurti 5 nafar talabasi uchun 19 078 225 so‘m o‘tkazib berildi», – deyiladi fondning 20 yanvardagi xabarida.

«Vaqf» fondi saxovatpesha vatandoshlarni «Ilmga ko‘mak» xayriya aksiyasida faol ishtirok etishga chorlamoqda.

Payme orqali xayriya qilish uchun ushbu havola orqali o‘tish lozim.

Naqd pul yoki pul o‘tkazmalari uchun:

H/r: 20212000900881753008

MFO 00837

STIR: 207276595

«Ipoteka bank» Yunusobod tuman filiali

#madrasa #Vaqf fondi