09:36 / 16.03.2021
6436
АҚШда туб аҳоли вакили биринчи марта ҳукумат аъзосига айланди

АҚШ конгресси сенати туб аҳоли вакиласи Деб Холанни АҚШ ички ишлар вазири лавозимига тайинлади. Холанн АҚШ вазирлар маҳкамасидаги лавозимга тайинланган Америка туб аҳолисининг биринчи вакили бўлди.

Холаннинг ушбу лавозимга тайинланиши учун 51 сенатор овоз берган, 40 нафари қарши чиққан. 

“Холанн номзодининг тасдиқланиши ушбу давлатнинг бутун бойлиги ва турфахиллигини тақдим этувчи ҳукуматни шакллантиришда улкан қадам ҳисобланади, чунки туб америкаликлар вазирлар маҳкамаси даражасида ва кўплаб бошқа жойларда узоқ вақт давомида инкор этиб келинган”, деб айтган сенатдаги кўпчилик етакчиси Чак Шумер овоз бериш олдидан.

Деб Холанн Нью-Мексико штатидаги резервацияда яшовчи пуэбло халқи вакиласи ҳисобланади. АҚШ ички ишлар вазирлиги вазифаларига АҚШ ҳукуматининг туб халқлар билан муносабатлари, федерал ва қабилалар бўйсунувидаги ерларда сиёсатни ишлаб чиқиш киради.     

Top