20:30 / 23.03.2021
3137
Мянмалик ҳарбийлар намойишлар вақтида 164 киши ҳалок бўлганини тан олди

Мянмалик ҳарбийлар мамлакатда намойишчилар ва хавфсизлик кучлари ходимлари ўртасидаги тўқнашувларда камида 164 намойишчи ҳалок бўлганини тан олди. 

Фото: Reuters

Ҳарбийлар вакили Зо Мин Тун намойишчиларнинг ҳалок бўлганидан афсусдалигини, “чунки улар Мянма фуқаролари бўлганини” айтган.

Унинг таъкидлашича, тўқнашувлар вақтида, шунингдек, хавфсизлик кучларининг 9 ходими ҳалок бўлган.

Бироқ Мянмада сиёсий маҳкумларга ёрдам уюшмаси маълумотларига кўра, 1 февралдан бери ҳарбийларга қарши давом этаётган намойишларда 250 киши ҳалок бўлган.

Мянмада ҳарбийлар 1 февралда давлат тўнтаруви амалга ошириб, мамлакат раҳбариятини ҳокимиятдан четлатганди.

Аввалроқ Мянмада интернет ўчириб қўйилгани ва газеталар сотилиши тақиқлаб қўйилгани маълум қилинганди. Жумладан, қўшни Таиланд билан чегарадаги оптик-толали интернет кабеллари узиб ташланган. Шу сабабли мамлакат ичидаги ахборотни текшириш тобора мураккаблашиб бормоқда.

Мавзу
Мянмада ҳарбийлар исёни
1 феврал куни Мянмада ҳарбийлар мамлакатнинг амалдаги раҳбари Аунг Сан Суу Кйини ҳибсга олиб, ҳокимият армия бош қўмондони Мин Ауинг Ҳлаингга ўтганини, бир йил давомида фавқулодда ҳолат режими амалда бўлишини эълон қилишди.
Барчаси
Top