Yangihayot tumanida “Kunlik ishchilar markazi” ish boshladi

Toshkent shahri Yangihayot tumani Toshkent halqa avtomobil yo‘li ko‘chasida “Kunlik ishchilar markazi” o‘z faoliyatini boshladi. Bu haqda tuman matbuot xizmati xabar berdi.

Foto: Yangihayot tumani hokimligi axborot xizmati

Ishsiz fuqarolar uchun kunlik va doimiy ish topish uchun ko‘mak beruvchi ushbu markaz zamonaviy talablarning barchasiga javob beradi. Xususan markazda ro‘yxatga olish xonasi, 150 o‘rinli dam olish xonasi, shuningdek, 32 o‘rinli oshxona, 16 o‘rinli shaxmat-shashka o‘yinlari, kitob va gazeta-jurnal mutolaa qilish uchun xonalar ajratilgan.

Qayd etilishicha, ishchilardan ushbu markazdan foydalanishlari uchun hech qanday mablag‘ talab etilmaydi.

Shuningdek, fuqarolar shu yerning o‘zida vaqtinchalik ish qurollarini ham shartnoma asosida ijaraga olishlari mumkin.