Toshkentda talaba qarovsiz qolgan yosh bolani qutqarib qoldi

Ijtimoiy tarmoqlarda Yangihayot tumanida 4-qavat balkonidan tushib ketish xavfida bo‘lgan bola aks etgan videolar tarqaldi.

Toshkent shahar IIBB xabariga ko‘ra, bola 5-qavatda istiqomat qiladigan talab yigit tomonidan qutqarib qolingan.

Ma’lum qilinishicha, 5-qavatdagi talaba himoya vositalarisiz pastga tushib, bolaning hayotini saqlab qolgan.

Talaba yigitning so‘zlariga qaraganda, u 5-qavatdan 4-qavat balkoniga tushganida bir emas, uch nafar bola bo‘lganini ko‘rgan.

IIBB xabarida aytilishicha, mahalla profilaktika inspektori tomonidan bolalarning onasi bilan profilaktik suhbat o‘tkazildi.