Farg‘onada giyohvand moddalar savdosi bilan shug‘ullanuvchi shaxslar qo‘lga olindi

Davlat xavfsizlik xizmatining Farg‘ona viloyati boshqarmasi xodimlari tomonidan o‘tkazilgan tezkor tadbirda giyohvand moddalar savdosi bilan shug‘ullanib kelgan bir guruh shaxs jinoyat ustida qo‘lga olindi. Bu haqda DXX matbuot xizmati tomonidan tayyorlangan reportajda so‘z boradi.

Ma'lum bo‘lishicha, Farg‘ona tumanida istiqomat qiluvchi fuqarolardan kelgusida sotish maqsadida yashirib qo‘yilgan 3 kilogramm 14 gramm gashish giyohvand moddasi ashyoviy dalil sifatida olingan. Aniqlanishicha, giyohvand moddalar Qirg‘izistonning Botken viloyati Qadamjoy tumanida yashovchi shaxsdan 15 ming dollarga sotib olingan. Giyohvandlik vositasi kontrabanda yo‘li bilan O‘zbekistonga olib kelingan.

Shuningdek, reportajda hozirda mazkur shaxslarga nisbatan Jinoyat kodeksining tegishli moddalari bilan jinoyat ishi qo‘zg‘atilgani ma'lum qilingan.