Orol dengizi bo‘yicha 5,65 million dollarlik yangi loyiha tayyorlanmoqda
2021 yil 25 mart kuni Ekologiya va atrof-muhitni muhofaza qilish davlat qo‘mitasi raisi Alisher Maksudov hamda Global yashil o‘sish instituti (The Global Green Growth Institute – GGGI) direktori Frank Raysberman o‘rtasida onlayn uchrashuv bo‘lib o‘tdi.

Tomonlar koronavirus pandemiyasidan keyingi O‘zbekistonning yashil tiklanishi, iqlim o‘zgarishi, cho‘llanishga qarshi kurashish sohalarida hamkorlik qilish, shuningdek, mazkur sohalarda aniq natijalarga erishish uchun Yashil iqlim jamg‘armasi va boshqa xalqaro moliyaviy muassasalar mablag‘larini birgalikda jalb etish masalalarini muhokama qilishdi.
Ayni damda Davlat ekologiya qo‘mitasi hamda Global yashil o‘sish instituti Orol dengizi tanazzuli salbiy oqibatlarini bartaraf etish maqsadida Orolbo‘yi mintaqasining yashil tiklanishini moliyalashtirishga yo‘naltirilgan hamkorlikdagi loyihani amalga oshirish rejalashtirilmoqda. Loyihaning umumiy qiymati 5,65 million AQSh dollariga teng.
Mazkur loyiha Xalqaro hamkorlik bo‘yicha Koreya agentligi (KOICA) tomonidan moliyalashtiriladi. Loyihaning maqsadi – Orol dengizi tanazzuli oqibatlarini bartaraf etish uchun Qoraqalpog‘iston Respublikasining yashil reabilitatsiyasiga ko‘maklashish, shuningdek, barqaror hayotiy ta'minot hamda tabiiy xavflarga barqarorlikni ta'minlash bo‘yicha chora-tadbirlarni belgilashdan iborat. Bundan tashqari, yaqin kunlarda yuqorida bayon etilgan institutning Markaziy Osiyoda yagona bo‘lgan vakolatxonasi ochilishi kutilmoqda.
Ma'lumot uchun, Global yashil o‘sish instituti (The Global Green Growth Institute – GGGI) xalqaro hukumatlararo tashkilot bo‘lib, bosh ofisi Seul shahrida (Janubiy Koreya) joylashgan. Mazkur tashkilot 2012 yil 20 iyun kuni Rio-de-Janeyroda (Braziliya) BMTning Barqaror rivojlanish bo‘yicha konferensiyasi doirasida ta'sis etilgan.
Hozirgi kunda Global yashil o‘sish instituti dunyoning 30 dan ortiq mamlakatlarida 54 ta loyihani amalga oshirmoqda. Institut prezidenti va kengash raisi BMTning sobiq Bosh kotibi Pan Gi Mun hisoblanadi.
Tavsiya etamiz
Haydovchilar uchun qator yengilliklar e’lon qilindi
O‘zbekiston | 18:04 / 16.05.2025
Shaharlarda yo‘l ta’mirlash ishlari faqat tunda amalga oshiriladi
O‘zbekiston | 17:20 / 16.05.2025
Kameralar yo‘l chizig‘ini bosganlik uchun jarima yozmaydigan bo‘ldi
O‘zbekiston | 16:46 / 16.05.2025
14 yillik qamoqdan prezidentlikkacha. Xose Muxika kim edi?
Jahon | 16:05 / 16.05.2025
So‘nggi yangiliklar
-
«Abadiy jangga tayyor» Rossiya, Trampni pulga ko‘mgan arablar – hafta dayjesti
Jahon | 13:09
-
O‘zbekistonda OTM talabalari uchun yagona forma joriy qilinishi haqidagi xabarlar rad etildi
O‘zbekiston | 09:56
-
Mutaxassis Toshkentda kuzatilgan chang bo‘roni sabablarini ma’lum qildi
O‘zbekiston | 09:24
-
“Ijtimoiy tarmoqlar qonuni” va grin-kartadagi liderlik - hafta dayjesti
O‘zbekiston | 09:00
Mavzuga oid

19:14 / 18.04.2025
Orol dengizining qurigan tubi yildan yilga ko‘tarilib borayotgani aniqlandi

21:21 / 05.04.2025
Qozog‘iston O‘zbekistondan sug‘orish uchun 12,6 milliard kub metr suv oldi

19:59 / 05.04.2025
Saida Mirziyoyeva Orol madaniyat sammitida ishtirok etdi

20:00 / 11.11.2022