Qoʻshimcha funksionallar
-
Tungi ko‘rinish
Yashnobod tumanida «DAF» piyodani urib yubordi. 60 yoshli ayol voqea joyida hayotdan ko‘z yumgan
Toshkent shahar IIBB Yashnobod tumanida sodir bo‘lgan yo‘l-transport hodisasi haqida tarqalgan xabarlar bo‘yicha rasmiy ma'lumot berdi.
2021 yil 24 mart kuni soat 17:55larda «102» raqamiga Aviasozlar-2 mavzesidagi Muxtor Ashrafiy va Izzat ko‘chalari kesishmasida ro‘y bergan yo‘l-transport hodisasi haqida xabar kelib tushgan.
IIBB axborot xizmati xabariga ko‘ra, Toshkent viloyatida yashovchi, 24 yoshli R.A. «DAF TE 96XF» rusumli yuk avtomobilini boshqarish davomida belgilanmagan joydan yo‘lni kesib o‘tayotgan piyoda, 60 yoshli O.L.ni urib yuborgan. Ayni vaqtdagi ma'lumotlarga ko‘ra, piyoda transport vositasining «ko‘rinmas» hududida bo‘lgan.
YTH natijasida piyoda olgan jarohatlari tufayli voqea joyida hayotdan ko‘z yumgan.
Mazkur holat yuzasidan Toshkent shahar IIBB Tergov boshqarmasi tomonidan Jinoyat kodeksining 266-moddasi 2-qismi bo‘yicha jinoiy ish qo‘zg‘atildi.
Bir qator ekspertizalar tayinlandi, tergov olib borilmoqda, deyiladi xabarda.
Mavzuga oid
19:30
2025 yilda O‘zbekistonda 1854 kishi YTH qurboni bo‘ldi
10:15
Jizzaxda maktabdan qaytayotgan o‘quvchi piyodalar yo‘lagida mashina urib ketishi oqibatida halok bo‘ldi
10:41 / 09.01.2026
Sergelida BYD haydovchisi qizil chiroqda o‘tib, 2 ta avtomobil bilan to‘qnashdi
10:20 / 08.01.2026