Estoniyaning sobiq prezidenti rossiyaliklarni Yevropa ittifoqiga kiritmaslikka chaqirdi

“Rossiyadan barcha tashriflarga vaqtinchalik taqiqlov kiritish zarur ko‘rinadi. Men har qanday turdagi tashrifni nazarda tutmoqdaman. Qrimgacha bostirib kirilgungacha bu odamlar Yevropa ittifoqi bilan vizasiz rejim kiritilishini talab qilishgandi. Oilaviy sabablarga ko‘ra favqulodda holatlardan tashqari, ular uchun barcha vizalarni muzlatib qo‘yish lozim. O‘rtada Yevropa xavfsizligi masalasi turibdi. Bas, yetar”, deb yozgan Ilves tvitterda.

U o‘z izohlarida bunday keskin chora oddiy rossiyaliklarga salbiy ta'sir ko‘rsatishini tan olgan, biroq uning kiritilishini talab qilgan. “Rossiya o‘zini tutayotgani ortida bu yuz berishi muqarrar”, deb qo‘shimcha qilgan sobiq siyosatchi.

“U (Rossiya) laynerlarni urib tushiradi, Yevropada odamlarni zaharlaydi va o‘ldiradi, boshqa mamlakatlarga bostirib kirib, ularning hududlarini bosib oladi. Nimasi bilan quvg‘indi davlat emas?”, deb savol bilan yuzlangan Ilves.

16 aprelda Estoniya tashqi ishlar vaziri Eva-Mariya Liimets “Interfaks”ga bergan intervyusida Estoniya va Rossiya o‘zaro ziddiyatlarga qaramay, o‘zaro muloqot olib borishi kerakligini aytgan. “Estoniya va Rossiya qo‘shnilardir. Davlatlarimiz o‘rtasida kundalik amaliy hamkorlik, misol uchun chegara, madaniyat va boshqa sohalardagi muloqot yaxshi yo‘lga qo‘yilgan”, deb ta'kidlab o‘tgan Liymets.