«Yuz ming tadbirkor xotin-qizlar» loyihasi amalga oshiriladi

Prezident “Yoshlarning tadbirkorlik faoliyatini qo‘llab-quvvatlash va bandligiga ko‘maklashish, ularni ijtimoiy himoya qilish hamda bo‘sh vaqtini mazmunli tashkil etishga oid qo‘shimcha chora-tadbirlar to‘g‘risida”gi farmonni imzoladi.

AT “Xalq banki”ning hududlarda xotin-qizlarni tadbirkorlikka keng jalb etish, ularni biznesga tayyorlash, maslahat berish va bandligini ta'minlash maqsadida “Yuz ming tadbirkor xotin-qizlar” loyihasini amalga oshirish to‘g‘risidagi taklifi ma'qullandi.

Loyiha doirasida quyidagilar:

• hududlarning ijtimoiy-iqtisodiy salohiyati, ixtisoslashuvi va boshqa xususiyatlarini inobatga olib, qiymati 33 million so‘mgacha bo‘lgan tayyor biznes-rejalar banki yaratiladi;
• o‘ttiz yoshgacha bo‘lgan xotin-qizlarning qiziqishlaridan kelib chiqqan holda, mos yo‘nalishlar bo‘yicha (oshpazlik, qandolatchilik, sartaroshlik va boshqalar) malakali mutaxassislar ishtirokida mahorat darslari 
• va o‘quv treninglari tashkil etiladi.