Dunyoda pandemiya boshidan beri koronavirusdan rekord sonda haftalik kasallanish holatlari qayd etildi. Bunga Hindistondagi vaziyat kuchli ta'sir ko‘rsatdi. Ushbu mamlakatda 2 kun ichida 650 mingga yaqin yangi kasallanish holati qayd etildi.
Foto: AP Photo/Eraldo Peres
Dunyoda oxirgi 7 kun ichida koronavirusga chalinganlar soni 5,7 mlnga ko‘paydi. Bu esa pandemiya boshidan beri eng yuqori ko‘rsatkich hisoblanadi.
Bu borada avvalgi antirekord 2020 yil dekabr o‘rtasida qayd qilingandi. O‘shanda bir hafta ichida 5,36 mln kishi kasallangandi.
Ayni vaqtda dunyoda eng og‘ir vaziyat Hindistonda kechmoqda. Bu yerda qatorasiga ikkinchi kun kasallanish holatlari bo‘yicha rekord ko‘rsatkichlar qayd qilinmoqda – kuniga 300 mingdan ko‘proq kasallanish holati.
Hozirda dunyo bo‘yicha kasallanganlar soni 145 mlndan oshib ketdi, o‘lim holatlari esa 3,1 mlnga yaqinlashib qoldi.
