Farg‘onada ikkita oliygoh karantinga yopildi

Farg‘ona davlat universitetining 2021 yil 26 aprel kungi Kengash yig‘ilishi qaroriga muvofiq, infeksiya yuqtirib olish va virus tarqalishi xavfini oldini olish maqsadida 26 aprel sanasidan universitetda 14 kunlik karantin joriy etildi. 

Bu haqda universitet ma'muriyati Kun.uz'ga xabar bermoqda. 

Ta'kidlanishicha, dars mashg‘ulotlari 27 aprel sanasidan boshlab onlayn shaklda amalga oshiriladi.

Karantin davrida oliy ta'lim muassasasi xodimlari, professor-o‘qituvchilari va talabalari orasida koronavirus yuqtirib olish holatlari kuzatilmasa, dars mashg‘ulotlari yana an'anaviy shaklga qaytariladi.

Shuningdek, viloyatdagi yana bir oliygoh Farg‘ona politexnika instituti ham masofaviy ta'lim shakliga o‘tkazilgan

Kun.uz manbaalarining xabar berishicha politexnika instituti talabalari orasida koronavirus infeksiyasi aniqlanganligi sababli o‘quv jarayonlari 2021 yilning 24 aprelidan boshlab, 14 kun davomida masofaviy shaklga o‘tkazilgan.