22:20 / 27.04.2021
10294
Россиялик ҳакерлар Вашингтон полицияси компьютер тармоғидан 250 гигабайт махфий маълумот ўғирлашди

Россиялик ҳакерлар Вашингтон полициясининг компьютер тармоғини бузиб кириб, у ердан махфий маълумотларни ўғирлашди. Эндиликда улар ушбу маълумотларни тарқатмаслик учун полициядан пул талаб қилишмоқда. 

Вашингтон полициясининг таъкидлашича, кибержиноятчилар талаб қилган пуллари 3 кун ичида тўланмаса, полициянинг яширин айғоқчилари ҳақидаги маълумотни ошкор қилиш билан таҳдид қилишмоқда. Улар талаб қилаётган сумма маълум қилинмаган.  

Таъкидланишича, Babuk гуруҳи ҳакерлари полиция ходимларининг шахсий маълумотлари, жиноятчиларга очилган шахсий ишлар, терговлар бўйича ҳисоботлар сақланган 250 гигабайтдан кўпроқ ахборотни қўлга киритишган. Улар баъзи ҳужжатларнинг скриншотларини даркнетдаги сайтларида жойлаштиришган.

Полицияда маълум қилинишича, ушбу ишни тергов қилишга ФҚБ жалб қилинган. 

Top