Xitoyning nazorati yo‘qotilgan fazoviy raketasi bo‘laklari Hind okeaniga tushdi

Xitoyning nazorati yo‘qotilgan fazoviy raketasi “Chanchjen-5B” bo‘laklari Hind okeanidagi Maldiv orollari yaqiniga tushdi.

Ta'kidlanishicha, raketaning aksariyat bo‘laklari atmosferada yonib ketgan.

29 aprelda Xitoy raketa yordamida o‘zining ilk koinot stansiyasi asosiy modulini orbitaga chiqargandi. 4 may kuni esa nazorati yo‘qotilgan 21 tonnalik raketa Yerga tushayotgani ma'lum bo‘lgan. Mutaxassislar qurilma bo‘laklari qayerga tushishini oldindan aytish ilojsizligini ta'kidlashgan.

Chinese Rocket while crossing the skies of #Oman #ChineseRocket #LongMarch5B pic.twitter.com/g8OAMlq8lE

— 𝓛𝓤𝓕𝓕𝓨 (@0_F_0) May 9, 2021

Chinese Rocket while crossing the sky from the Al-Jawf region in northern Saudi Arabia #ChineseRocket #LongMarch5B pic.twitter.com/9uouJF6Sbo

— 𝓛𝓤𝓕𝓕𝓨 (@0_F_0) May 9, 2021

Avvalroq Pentagon vakili Mayk Xovard CNN telekanaliga bergan intervyusida AQSh raketa bo‘laklari ortidan kuzatayotganini ma'lum qilgan. U, shuningdek, raketa bo‘laklarining Yerdagi obektlar ustiga qulashi ehtimolini istisno qilib bo‘lmasligini qo‘shimcha qilgan.  

6 may kuni Pentagon rahbari Lloyd Ostin Xitoy raketasi xavfsiz joyga qulashini va AQSh uni urib tushirishni rejalashtirmayotganini ta'kidlab o‘tgan.