07:26 / 10.05.2021
1040
Андижон — Наманган — Тошкент йўналишида поезд қатнови йўлга қўйилди

«Ўзбекистон темир йўллари» АЖ томонидан халқаро темир йўл қатновларини босқичма-босқич тиклаш бўйича Қозоғистон ва Россия темир йўл маъмуриятларига мурожаат юборилди, дея хабар бермоқда компания ахборот хизмати.

«Ушбу мурожаат ҳар икки давлатнинг ваколатли давлат органлари томонидан ўрганиб чиқилмоқда ва яқин келажакда амалга оширилиши мумкин», — дейилади хабарда.

Шунингдек, сайёҳлик соҳасини ривожлантиришга қўшган ҳиссаси ва мамлакатимиз аҳолиси учун қўшимча қулайликлар яратиш, ички туризмни ривожлантириш мақсадида йўловчиларнинг таклифлари ўрганиб чиқилиб, ҳудудларда янги йўналишлар очилди. 

Хусусан, Термиз – Хива – Термиз, Андижон – Нукус – Андижон, Тошкент – Наманган – Андижон, Андижон – Наманган – Тошкент, Андижон – Хива – Андижон, Тошкент – Олот – Тошкент, Тошкент – Шовот йўналишларида поездлар қатнови йўлга қўйилди.

Top