1 oktyabrga qadar 1000ta tez tibbiy yordam maxsus transport vositalari xarid qilinadi

“Osiyo taraqqiyot banki va Osiyo infratuzilmaviy investitsiyalar banki ishtirokida “O‘zbekiston Respublikasida koronavirus COVID-19 infeksiyasiga qarshi shoshilinch choralarni ko‘rish” loyihasini amalga oshirish chora-tadbirlari to‘g‘risida”gi prezident qarori qabul qilindi.

Qaror bilan “O‘zbekiston Respublikasida koronavirus COVID-19 infeksiyasiga qarshi shoshilinch choralarni ko‘rish” loyihasining maqsadli ko‘rsatkichlari tasdiqlandi. 

Unga ko‘ra, jumladan:

• xalqaro standartlarga javob beruvchi 7ta Milliy referens laboratoriya yaratiladi;
• Sanitariya-epidemiologiya xizmatining markaziy apparati, hududiy boshqarmalari, tuman (shahar) bo‘limlarida faoliyat yuritayotgan 17 ming 554 nafar xodimning malakasi oshiriladi;
• 475ta sanitariya-epidemiologiya xizmati muassasalari rekonstruksiya qilinadi, kapital ta'mirlanadi va jihozlanadi;
• COVID-19 infeksiyasini aniqlash uchun test hajmi amaldagi ko‘rsatkichga nisbatan ko‘paytirilib, 500 mingta test sinovlari o‘tkaziladi; 
• respublikada tez tibbiy yordam xizmatining moddiy-texnik bazasini yanada mustahkamlash uchun 2021 yil 1 oktyabrga qadar 1 000ta tez tibbiy yordam maxsus avtotransport vositalari xarid qilinadi.