Krasnoyarsk o‘lkasida O‘zbekiston va Rossiya maxsus kuchlarining qo‘shma mashg‘ulotlari bo‘lib o‘tadi

Rossiya tomonining xabar berishicha, mashg‘ulotlar davomida ikki davlat razvedka guruhlari maxsus aslaha-anjomlardan foydalangan holda murakkab tog‘-o‘rmon hududidan kechib o‘tadi hamda qidiruv-razvedka harakatlarini olib boradi. So‘ngra harbiylar shartli noqonuniy tuzilmaning tayanch lagerini egallab olish, asirni qo‘lga olish, birinchi tibbiy yordam ko‘rsatish va yaralanganlarni evakuatsiya qilish harakatlarini mashq qilishadi. Bundan tashqari, ular shartli dushman hududida yegulik topishdagi mahoratlarini ko‘rsatishlariga to‘g‘ri keladi.

Mashg‘ulotlarda razvedka texnik vositalarini, jumladan turli modifikatsiyadagi lazer uskunalarini o‘zlashtirishga alohida e'tibor qaratiladi.