22:55 / 07.06.2021
1010
Ургутда рўй берган йўл-транспорт ҳодисасида йўловчилардан бири вафот этди

Самарқанд вилояти Ургут туманида содир бўлган йўл-транспорт ҳодисасида ҳайдовчилардан бири вафот этган. Бу ҳақда Kun.uz’га вилоят ИИБ ЙҲХБ ахборот хизмати хабар бермоқда.

Маълум қилинишича, жорий йил 30 май куни М39 Алмати-Тошкент-Термиз халқаро автомобиль йўлининг Ургут тумани Баҳрин маҳалласидан ўтган 1112-километрида одам ўлими билан боғлиқ йўл-транспорт ҳодисаси рўй берган.

19 ёшли ҳайдовчи бошқарувидаги «Нексия» машинаси қарама-қарши йўналишдан келаётган «Нексия» билан тўқнашиб кетган. Оқибатда қарама-қарши йўналишдан келаётган «Нексия»даги йўловчи вафот этган.

Суриштирувларда аниқланишича, 19 ёшли ҳайдовчи тезликни белгиланган меъёрдан оширган. Бундан ташқари, у қувиб ўтиш қоидаларини ҳам бузган ва қарама-қарши йўналишдан келаётган машина билан бўлган оралиқни инобатга олмаган.

Top