13:09 / 21.06.2021
2716
Қамашилик ҳайдовчининг ЙПХ ходими билан низосини прокуратура ўрганмоқда

Ижтимоий тармоқларда «ЙПХ ҳодими билан фуқаро ўртасида ўзаро низо чиқди» сарлавҳали видео тарқалганди. ИИВ ЙҲХБ ББ ахборот хизмати муносабат билдирди.

Маълум бўлишича, ҳодиса 2021 йил 18 май куни соат 11:50ларда Қашқадарё вилояти Қамаши тумани, Ифтихор кўчасида жойлашган «Файз деҳқон бозори» рўпарасида содир бўлган.
Вилоят ИИБ ЙҲХБ ЙПХ ходими М.Хасанов 3.27 – «Тўхташ тақиқланган» йўл белгисининг таъсир доирасида тўхтаб турган «Кобальт» русумли автомобиль ҳайдовчисига қоидабузарлик содир этиб тўхтаганлигини тушунтирган ва тегишли ҳужжатларини тақдим қилишини сўраган.

Ҳайдовчи меъёрий ҳужжатларини тақдим қилгандан сўнг, ҳайдовчилик гувоҳномаси ушбу ҳайдовчига тегишли ёки йўқлигини билиш мақсадида ҳайдовчидан кўзойнаги ҳамда бош кийимини ечишини талаб қилган. Ҳайдовчи ўз эътирозларини билдирган ва қоғоз шаклидаги баённома расмийлаштирилишини сўраган. Ҳайдовчининг талабига кўра қоғоз шаклидаги баённома расмийлаштирилган.

Ҳайдовчи мазкур ҳолатдан норози бўлиб, туман прокуратурасига шикоят қилган. Ҳозирда Қамаши туман прокуратураси томонидан ҳолат юзасидан суриштирув ҳаракатлари олиб борилмоқда.

Top