JSST Yevro-2020 sababli Yevropada koronavirusning yangi to‘lqini yuz berishi muqarrarligini aytdi
Futbol bo‘yicha Yevropa chempionati o‘tkazilayotgan shaharlardagi ko‘p sonli muxlislar hamda ijtimoiy masofalashuvning yumshatilishi koronavirus yuqtirish holatlari ko‘payishiga olib keldi. Bu haqda JSSTning favqulodda vaziyatlar bo‘yicha katta ofitseri Ketrin Smollvud ma'lum qildi.

Foto: Getty Images
Uning ta'kidlashicha, Yevropada kasallik darajasi pasayishi tugadi va muxlislarga nisbatan yetarlicha cheklovlar kiritilmasa, koronavirusning yangi to‘lqini yuz berishi muqarrar.
«Biz nafaqat stadiondagi sharoitlarga qarashimiz kerak. Biz muxlislar u yerlarga qanday yetib olayotgani, liq to‘la avtobuslarda borayotgani, stadionlarni qanday tark etayotgani, to‘lib-toshgan bar va pablarga borayotganiga ham e'tibor qilishimiz lozim», deb aytgan Smollvud.
Ayni vaqtda Yevropaning 11ta shahrida futbol bo‘yicha Yevropa chempionati bo‘lib o‘tmoqda. Chempionatning aksariyat uchrashuvlari tribunalarning 20 foizdan ko‘prog‘i to‘lgan holda o‘tkazilyapti.
Biroq Budapeshtdagi 61 ming kishiga mo‘ljallangan «Pushkash Arena» stadionida muxlislarning uchrashuvlarga qo‘yilishiga hech qanday cheklov yo‘q. Londondagi «Uembli» stadionida o‘tadigan yarimfinal va final uchrashuvlariga esa 60 mingdan ko‘proq muxlis qo‘yiladi. Bu stadion sig‘imdorligining uchdan ikki qismidan ko‘prog‘ini tashkil qiladi.
Mutaxassislar Yevropada koronavirusning o‘ta yuqumli «hindcha» shtammi tarqalayotganidan xavotirlanmoqda. Virusning ushbu shtammi hozirda 98ta davlatda tarqalgan.
Hozirda Britaniyada umumiy kasallanish holatlarining 90 foizdan ortig‘i aynan «hindcha» shtammga to‘g‘ri kelyapti. Ushbu shtammdan AQSh, Yevropa mamlakatlari, Rossiya va boshqa ko‘plab davlatlar ham aziyat chekmoqda.
Avvalroq Germaniya kansleri Angela Merkel Yevropa chempionati uchrashuvlari muxlislar bilan to‘la holda «Uembli» stadionida o‘tkazilishi g‘oyasini salbiy baholagandi. Uning fikricha, bu «hindcha» shtammning Yevropada tarqalishini jadallashtirib yuborishi mumkin. Germaniya ichki ishlar vaziri Xorst Zeyexofer esa UYeFAning tribunalarga ko‘p sonda muxlislarni qo‘yish qarorini tanqid qilib, buni mas'uliyatsizlik deb atagandi.
Tavsiya etamiz
“O‘rgimchak to‘ri”: Ukraina qo‘lidagi kartalardan birini ochdi
Jahon | 21:12 / 04.06.2025
Dunyoda faqat bir mamlakat o‘zini oziq-ovqat bilan to‘liq ta’minlashi ma’lum bo‘ldi
Jahon | 18:47 / 04.06.2025
Islandiya sobiq prezidenti milliy bog‘ga gid bo‘lib ishga joylashdi
Jahon | 21:25 / 03.06.2025
Urushlar endi o‘zgacha: «O‘rgimchak to‘ri» operatsiyasi haqida
Jahon | 22:27 / 02.06.2025
So‘nggi yangiliklar
-
Tramp Rossiya va Ukraina haqida: «Ba’zida bolalarga biroz mushtlashishga qo‘yib bergan ma’qul»
Jahon | 15:01
-
Kreml: Ukraina bilan muzokaralar yangi bosqichi memorandumlarni o‘rganib chiqqandan so‘ng kelishiladi
Jahon | 14:25
-
Orolbo‘yi iqlimida yog‘ingarchilikni modifikatsiyalash texnologiyalari joriy etiladi
O‘zbekiston | 14:24
-
Qozog‘iston va O‘zbekiston bolalar saratoni bo‘yicha akademik markaz tashkil qiladi
O‘zbekiston | 14:03
Mavzuga oid

11:25 / 30.05.2025
SSV: O‘zbekistonda koronavirus bilan bog‘liq epidemiologik vaziyat barqaror

17:25 / 29.05.2025
Osiyoda COVID yana keng tarqaldi, hukumatlar niqob taqishga chorlamoqda

23:21 / 15.05.2025
Osiyoda COVID-19 bilan kasallanish holatlari keskin oshdi

00:12 / 05.05.2025