Afg‘oniston mudofaa vazirligi “Tolibon”ning 200dan ortiq jangarisi yo‘q qilingani haqida xabar berdi
Yakshanba kuni 136 nafar tolib yo‘q qilingani va 81 nafari yaralangani haqida xabar berilgandi.
Afg‘oniston milliy mudofaa va xavfsizlik kuchlari o‘tgan sutkada “Tolibon” harakatining 233 nafar jangarisini yo‘q qildi, 88 nafar jangari yaralandi. Bu haqda mamlakat mudofaa vazirligi o‘z Twitter sahifasida xabar berdi.
Vazirlikning bildirishicha, “armiya Nangarhor, G‘azni, Qandahor, Juzjon, Sari-Pul, Faryob, Balx, G‘ilmind, Tohar va Qunduz viloyatlarida operatsiyalar o‘tkazgan”. Operatsiya davomida qo‘lbola portlovchi qurilmalar zararsizlantirilgan, jangarilarning qurol-yarog‘ va avtomobillari yo‘q qilingan.
Yakshanba kuni 136 nafar tolib yo‘q qilingani va 81 nafari yaralangani haqida xabar berilgandi.
18 iyul kuni Qatar poytaxti Dohada afg‘on siyosatchilari va “Tolibon” delegatsiyasi o‘rtasidagi muzokaralar yakunlandi. Tomonlar tinchlik muzokaralarini davom ettirishga kelishishgan, ammo o‘t ochishni to‘xtatish to‘g‘risida sulh tuzilmagan.
Mavzuga oid
13:00
O‘zbekiston va Afg‘oniston birgalikda za’faron yetishtirishga kelishib oldi
20:59 / 14.10.2024
«Tolibon» OAVda tirik mavjudotlar tasvirini taqiqlashga va’da berdi
19:30 / 14.10.2024
«Tolibon» O‘zbekistondan «Termiz» chegara bozorida musiqa qo‘ymaslikni so‘radi – OAV
12:20 / 14.10.2024