Qoʻshimcha funksionallar
-
Tungi ko‘rinish
Afg‘oniston prezidenti «Tolibon» «Al-Qoida» bilan chuqur aloqa o‘rnatganini aytdi
Ashraf G‘anining so‘zlariga ko‘ra, «Tolibon» Afg‘onistonni turli isyonchilarning boshpanasiga aylantirmoqchi.
Foto: Anadolu Agency
«Tolibon» harakati «Al-Qoida» terrorchilik tarmog‘i hamda «Lashkari-toyiba» va «Jayshi Muhammad» terrorchilik guruhlari bilan mustahkam aloqa o‘rnatgan, dedi Afg‘oniston prezidenti Ashraf G‘ani.
«Tolibon» «Al-Qoida», «Lashkari-toyiba» va «Jayshi Muhammad» bilan chuqur aloqada. «Tolibon» olib borayotgan urush hech qanday diniy yoki milliy asosga ega emas. Biz yaqin uch-olti oy ichida vaziyatni o‘zgartirishga urinamiz», — deya Ashraf G‘anidan iqtibos keltirmoqda Tolo News telekanali.
Uning so‘zlariga ko‘ra, «Tolibon» Afg‘onistonni turli isyonchilarning boshpanasiga aylantirmoqchi.
«Hukumat hech qachon bunga yo‘l qo‘ymaydi. Maqsadimiz – Afg‘oniston va uning ozodligini, oxirgi 20 yilda erishilgan muvaffaqiyatlarni himoya qilish», — dedi u.
Bakhtar agentligining Afg‘oniston armiyasi qo‘mondonligiga tayanib xabar berishicha, «Al-Qoida» «Tolibon» jangarilariga mamlakatda terrorchilik hujumlarini amalga oshirishda ko‘mak bermoqda, o‘z instruktorlarini jo‘natmoqda.
AQShning Afg‘onistondan ketishi
Mavzuga oid
21:02 / 01.03.2026
Afg‘oniston Pokiston bilan to‘qnashuvlar davomida 400 nafardan ortiq harbiylarini yo‘qotdi
21:59 / 28.02.2026
Baxtiyor Saidov Afg‘oniston va Pokiston tashqi ishlar vazirlari bilan muloqot o‘tkazdi
21:42 / 27.02.2026
O‘zbekiston Afg‘oniston va Pokistonni o‘t ochishni darhol to‘xtatishga chaqirdi
17:02 / 27.02.2026