10:49 / 22.07.2021
529
Бухорода 25 миллион сўмга ер сотмоқчи бўлган шахс ушланди

Бухоро шаҳрида 10 сотих ерни 25 миллион сўмга пулламоқчи бўлган фирибгар қўлга олинди. Бу ҳақда Бухоро вилояти ИИБ ахборот хизмати хабар берди.

Маълум қилинишича, Бухоро шаҳрида яшовчи Ҳ. М. “Зарафшон” боғдорчилик ширкати томонидан ота-онасига боғдорчилик билан шуғулланишлари учун ажратиб берилган 10 сотих ерни ўзга шахсга расмийлаштириб беришни ваъда қилган. У ушбу иши учун фирибгарлик йўли билан 25 миллион сўм пулни олаётган вақтда ҳуқуқни муҳофаза қилувчи идоралар ходимлари томонидан жиноят устида ушланган.

Ҳолат юзасидан Жиноят кодексининг тегишли моддаси билан жиноят иши қўзғатилиб, дастлабки тергов ҳаракатлар олиб борилмоқда.

Олдинроқ Бухорода ҳокимлик заxирасидаги ерни 8 000 долларга сотмоқчи бўлган шахс қўлга олинганди.

Top