27 iyul kuni O‘zbekistonda harorat biroz pasayishni boshlaydi 

27 iyul kunduz kuni O‘zbekistonda quruq va issiq ob-havo saqlanib turadi, ammo harorat biroz pasayishni boshlaydi. Maksimal harorat 35-40 daraja issiq, Surxondaryo viloyatida 42 daraja issiqqacha, Qoraqalpog‘istonda va Xorazm viloyatida 32-37 daraja issiq atrofida bo‘ladi. Respublika bo‘yicha ba'zi joylarda shamol tezligi 17-22 m/s gacha kuchayishi kutilmoqda, ba'zi joylarda changli bo‘ron bilan 25-30 m/s gacha kuchayishi mumkin.

Poytaxtda havo kam bulutli bo‘ladi. Shamol tezligi 15-18 m/s gacha kuchayishi mumkin. Havo biroz 38-40 daraja issiqqacha salqinlashadi.

Respublikaning tog‘li hududlarida yog‘ingarchilik kutilmaydi. Shamol 7-12 m/s tezlikda esadi, ba'zi joylarda 17-22 m/s gacha kuchayadi. Harorat 26-31 daraja issiq bo‘ladi.