Hafta davomida kutilayotgan ob-havo bilan iqlimshunos Erkin Abdulahatov tanishtiradi.
+40 darajadan yuqori kunduzgi issiqlik va tungi dim havo tuproqdan namlikning tez bug‘lanishiga olib keladi. Bu paxta, sabzavot, poliz va bog‘dorchilik ekinlarida suvga bo‘lgan ehtiyojni oshirishi, namlik tanqisligiga sezgir maydonlarda esa issiqlik stressini keltirib chiqarishi mumkin.
Mutaxassislar sug‘orish ishlarini ertalabki yoki kechki soatlarda tashkil etishni, tuproq namligini muntazam nazorat qilishni, yangi ekilgan ko‘chatlarni quyosh ta’siridan muhofaza qilish va chorva mollarini kunning eng issiq soatlarida soyada saqlash hamda yetarli ichimlik suvi bilan ta’minlashni tavsiya etadi.
Jazirama davrida hosil yig‘im-terimi va dala ishlarini ham imkoni boricha salqin vaqtlarga rejalashtirish maqsadga muvofiqdir.
