22:49 / 27.07.2021
10268
Илон Маск Apple’ни танқид қилди

Tesla ва SpaceX компаниялари асосчиси Илон Маск Apple компаниясини танқид қилди. У компанияни ўз маҳсулотларида камёб кобалт металлини ҳаддан зиёд кўп ишлатишда ва монополияда айблади.

Фото: Getty Images

Маълумотларга кўра, Apple айни вақтда “Титан” лойиҳаси доирасида ўзининг электромобилини ишлаб чиқиш билан шуғулланмоқда. Ушбу автомобил Tesla электрокарларига рақобатчилик қилиши мумкин.

Маскнинг таъкидлашича, Tesla литий-ион элементларини ишлаб чиқаришдаги асосий материал ҳисобланган кобалтни кўп ишлатиши ҳақида янглиш тасаввур бор. Tesla раҳбарининг айтишича, аслида бундай эмас.

“Tesla деярли кобалт ишлатмайди. Ўртача кўрсаткичларни олсак, бизга қўлланаётган кобалтнинг 2 фоизи тўғри келса, Apple’га 100 фоизи тўғри келади”, деб айтган Tesla асосчиси.

Маск, шунингдек, Apple’ни App Store сервиси орқали дастурларни ўрнатиш устидан қатъий назорат олиб боришини танқид қилган.

Top