Rossiya tashqi ishlar vazirligi toliblarning Markaziy Osiyo mamlakatlariga xavfini baholadi

«Tolibon» harakati jangarilari yaqin istiqbolda Markaziy Osiyo mamlakatlari uchun xavf tug‘dirmaydi. Bu haqda Rossiya tashqi ishlar vazirligi vakili Zamir Kabulov ma'lum qildi, deb yozadi «Kommersant'».

Diplomat toliblar orasidagi radikal kayfiyat darajasiga baho berdi.

«Baholashimizga ko‘ra, harakat vakillarining uchdan ikki qismi, jumladan, yuqori rahbariyat afg‘on inqirozi siyosiy yechim topishini istaydi», — dedi u.

Kabulovning so‘zlariga ko‘ra, «Tolibon» vakillari doimiy nizolardan charchagan.

Uning xulosa qilishicha, jangarilarning yosh avlodi vatan tuyg‘usi yo‘qligi sababli radikallashib ketgan.