Ixtisoslashtirilgan maktablar uchun qoldirilgan test sinovlari OTM qabul imtihonlaridan keyin o‘tkaziladi

AOKAda bo‘lib o‘tgan brifingda Xalq ta'limi vazirligi matbuot kotibining ma'lum qilishicha, joriy yil 29-30 iyul kunlari DTM tomonidan o‘tkazilgan ixtisoslashtirilgan maktablarga qabul, saralash tanlovlari natijalari 10 avgust kuni soat 10:00dan keyin e'lon qilinadi.

Natijalarni my.maktab.uz sayti yoki hujjat topshirgan ixtisoslashtirilgan maktab ma'muriyati orqali bilib olish mumkin.

Saralash tanlovidan muvaffaqiyatli o‘tganlar belgilangan kvota doirasida ballar ketma-ketligi asosida ixtisoslashtirilgan maktablarga qabul qilinadi.

Viloyat markazlaridan olisda joylashgan 17ta tuman va shaharda vaqtincha qoldirilgan test sinovlari OTMga kirish imtihonlari yakunlangan so‘ng bo‘lib o‘tadi.