«Tolibon» Afg‘onistondagi yana bir viloyat markazini qo‘lga kiritdi

Toliblarning ma'lum qilishicha, gubernator ma'muriyati jangarilar nazoratiga o‘tgan.

Foto: Abdullah Sahil/AP

«Tolibon» Afg‘onistonning Farah viloyati markazi bo‘lgan Farah shahrini egalladi. Bu haqda harakat vakili Zabihullo Mujohid o‘zining Twitter sahifasida ma'lum qildi.

"Islom amirligi jangchilari "Al-Fath" operatsiyasi davomida Farah markazini qo‘lga kiritdi", — deb yozdi Mujohid.

Toliblarning ma'lum qilishicha, gubernator ma'muriyati jangarilar nazoratiga o‘tgan.

O‘z navbatida, Tolo News telekanali Farahning katta qismi bosib olinganini xabar qildi.

9 avgust kuni toliblar Samanganning Aybak shahrini o‘z nazoratiga olgani haqida xabar qilingandi. Bundan oldin ular Nimroz, Juzjon, Kunduz, Saripul va Taxor viloyatlari poytaxtlarini egallab olgan.