Xitoyda suv toshqinlari sababli «qizil darajadagi xavf» e'lon qilindi

2700dan ortiq uy va do‘konlarga shikast yetgan, elektr ta'minoti, transport qatnovi va aloqa tarmoqlari ishdan chiqqan.

Foto: Reuters

Xitoyning Xubey provinsiyasida suv toshqinlari sababli «qizil darajadagi xavf» e'lon qilindi. Bu haqda Reuters xabar bermoqda.

Xabar qilinishicha, 21 kishi tabiiy ofat qurboni bo‘lgan, 6 ming kishi evakuatsiya qilingan. 2700dan ortiq uy va do‘konlarga shikast yetgan, elektr ta'minoti, transport qatnovi va aloqa tarmoqlari ishdan chiqqan.

Suychjou, Syanyan va Syaogan shaharlariga qutqaruv otryadlari yuborilgan.

Sinoptiklar kuchli yog‘ingarchiliklar hafta oxirigacha davom etishi haqida ogohlantirmoqda, Yanszi daryosi sohilidagi hududlarda suv toshqinlari ro‘y berishi mumkin.