Markaziy Osiyo mamlakatlariga nisbatan «Tolibon» tomonidan tahdid yo‘q - Rossiya TIV vakili

Rossiya «Tolibon» harakati tomonidan Markaziy  Osiyo davlatlariga nisbatan tahdid ko‘rmayapti. Bu haqda Rossiya prezidentining Afg‘oniston bo‘yicha maxsus vakili, Rossiya TIV Osiyo ikkinchi departamenti direktori Zamir Kabulov ma'lum qildi.

«Markaziy Osiyodagi ittifoqchilarimizga nisbatan hech qanday tahdid ko‘rmayapmiz. Buning aksini bildiradigan birorta ham fakt yo‘q», — dedi Kabulov.

Uning so‘zlariga ko‘ra, Rossiya «Tolibon» bilan avvalroq muloqotga kirishgan.

Bundan oldin, Zamir Kabulov «Tolibon» Rossiyaning Kobuldagi elchixonasini qo‘riqlashni boshlaganini aytgandi.

15 avgust kuni Afg‘onistondagi hokimiyat «Tolibon» qo‘liga o‘tdi. Afg‘oniston prezidenti Ashraf G‘ani mamlakatni tark etgan.