O‘zbekiston va Italiya Afg‘onistonga insonparvarlik yuklarini yetkazib berishda hamkorlik qiladi – TIV

Vazirlik axborot xizmatining ma'lum qilishicha, muzokaralarda siyosiy-diplomatik, savdo-iqtisodiy va boshqa sohalardagi hamkorlik muhokama qilingan. Tashqi siyosat idoralari rahbarlari darajasida Toshkentda o‘tkazilishi rejalashtirilgan «Italiya – Markaziy Osiyo» ikkinchi vazirlar uchrashuvi yuzasidan ham fikr almashilgan.

Shuningdek, Italiya tomoni Afg‘onistondagi Yevropa mamlakatlari va boshqa davlatlar fuqarolarini evakuatsiya qilish jarayonini tashkil etishda ko‘rsatilgan yordami uchun O‘zbekistonga minnatdorlik bildirdi. Bundan tashqari, O‘zbekiston va Italiya ushbu yo‘nalishdagi aloqalarini, jumladan Afg‘onistonga insonparvarlik yuklarini yetkazib berishda hamkorlikni davom ettirishga tayyor ekanligini ma'lum qildi.