O‘zbekistondan Rossiyaga migrantlar uchun poyezdlar tashkillashtirish rejalashtirilmoqda

O‘zbekistondan Rossiyaga mehnat migrantlari uchun poyezdlar tashkillashtirish rejalashtirilmoqda. Bu haqda Tashqi mehnat migratsiyasi agentligi ma'lumot berdi.

Qayd etilishicha, Rossiya Federatsiyasi hududida qurilish, uy-joy kommunal xo‘jaligi va savdo sohalarida mehnat faoliyatini amalga oshirish istagida bo‘lgan O‘zbekiston Respublikasi fuqarolari uchun charter poyezdlarni tashkil etish rejalashtirilmoqda.

Rossiya bosh vaziri o‘rinbosari Marat Xusnullinning ma'lum qilinishicha, bu masala Rossiya hukumati raisi o‘rinbosari Tatyana Golikova bilan kelishilgan va mehnat migrantlarini charter poyezdlarda olib kelishning aniq tartibi yaqin kunlarda tasdiqlanadi.