Afg‘onistonning Jalolobod shahridagi portlashlarda gumon qilinib 40 kishi hibsga olindi

Afg‘onistonning Nangarhor viloyatida sodir bo‘lgan portlashlardan so‘ng 40 kishi hibsga olindi. Bu haqda viloyat razvedka boshqarmasi boshlig‘iga tayanib Ariana News telekanali xabar berdi. 

“Afg‘oniston islom amirligi Nangarhor viloyati razvedka boshqarmasi boshlig‘i Jalolobod shahrida shanba va yakshanba kunlari sodir bo‘lgan portlashlar munosabati bilan 40 kishi qo‘lga olinganini xabar qildi”, – deyiladi telekanal xabarida.

18 va 19 sentyabr kunlari Jalolobod shahrida portlashlar sodir bo‘ldi.

Hodisa oqibatida bir necha kishi halok bo‘lgan, o‘nlab kishilar jarohatlangan.

Xabarlarga ko‘ra, portlashlar uchun javobgarlikni IShID-Xuroson tashkiloti zimmasiga olgan.