Prokurorlarni chiqarib, binoni bolalar uchun berganman – Shavkat Mirziyoyev Samarqanddagi holatni esladi

Shavkat Mirziyoyev Samarqandda saylovchilar bilan uchrashuv chog‘ida viloyatdagi Mehribonlik uylari haqida gapirib o‘tdi. Bu haqda Kun.uz muxbiri xabar bermoqda.

“Samarqanddagi Mehribonlik uylaridagi holatni hech kim menchalik yaxshi bilmaydi. Hokim bo‘lib kelganimda bolalar uylarini borib ko‘rganman, sharoitlarini ko‘rib yuragim ezilgan. Shu kundan boshlab ishga kirishganman.

Samarqand shahrining Temiryo‘l tumani prokuraturasi juda chiroyli binoda joylashgan ekan. Hammasini chiqarib, bolalarni olib kelib joylashtirdim. Ana o‘shanda prokurorlarning kattasi bo‘lgan vallamat bilan san-manga borganmiz. “Siz hokim bo‘lib nega prokuratura ishiga aralashyapsiz?” degan.

“Men hokimman, xalqimiz, bolalar uchun shunday qildim. Qo‘lingdan kelganini qilaver” deb javob berganman”, – deya amaldagi prezident so‘zlaridan iqtibos keltirmoqda Kun.uz muxbiri.

Tayyorlagan Аброр Зоҳидов

#Shavkat Mirziyoyev

Saylov qonunchiligiga kiritilgan o‘zgartishlarga ko‘ra saylovlar oktyabr oyi uchinchi o‘n kunligining birinchi yakshanbasida o‘tkazilishi belgilandi. 2021 yilgi prezidentlik saylovi 24 oktyabrga to‘g‘ri kelmoqda.