20:16 / 28.09.2021
5408
Макронга тухум улоқтирган йигит руҳий касалликлар шифохонасига жўнатилди

Франция президенти Эмманюэль Макронга Лиондаги халқаро кўргазмага ташрифи вақтида тухум улоқтирган 19 ёшли йигит руҳий касалликлар шифохонасига жўнатилди.

Лион прокуратураси талаба руҳий экспертизадан ўтиши кераклигини талаб қилган. Экспертиза натижасида йигитнинг руҳий касалликлар шифохонасида даволаниши кераклиги аниқланган. У Брондаги Vinatier шифохонасига жўнатилган.

27 сентябрда Макронга Лиондаги меҳмондўстлик ва умумий овқатланиш соҳасидаги Eurexpo халқаро кўргазмасига ташрифи вақтида тухум улоқтирилди. Тухумни отган йигит ўша ондаёқ қўлга олинган. Унга “давлат ҳокимиятини амалга оширувчи шахсга нисбатан зўравонлик қўллаш” айблови қўйилган.

Июлда 28 ёшли Дамиен Тарел Макрон Дром департаментида аҳоли билан мулоқот қилаётган вақтда унинг юзига тарсаки туширганди. Кейинроқ эркак “ҳокимият вакилига” ҳужум қилишда айбдор деб топилиб, 4 ойлик қамоқ жазосига маҳкум қилинган.

Top