12:14 / 04.10.2021
709
Бухорода ов қуролини ноқонуний сақлаган фуқарога жиноят иши очилди

Бухоро вилоятининг Бухоро туманида ов қуролини ноқонуний равишда сақлаш ҳолати аниқланган. Бу ҳақда вилоят ИИБ ахборот хизмати хабар бермоқда.

Таъкидланишича, тумани ИИБ ходимлари томонидан ўтказилган тезкор тадбирда Жондор тумани Aлиле маҳалласида яшовчи 42 ёшли С.С. ўз уйи яқинидаги дала майдонида 1950 йилда ишлаб чиқарилган, 16 калибрли, “ЗК” моделли ов қуролини тегишли рухсатномасиз сақлаб келаётгани маълум бўлган. Ов қуроли тегишли тартибда ҳужжатлаштириб олинган.

Ҳолат юзасидан С.С.га нисбатан Жиноят кодексининг 248-моддаси 1-қисми билан жиноят иши қўзғатилиб, дастлабки тергов ҳаракатлари олиб борилмоқда.

Олдинроқ Бухорода Қоракўл тумани мудофаа бўлими бошлиғи пора олаётган вақтида ушланганди.

Top