Yozyovonda homilador ayolni pichoqlab o‘ldirganlikda gumonlangan shaxs qamoqqa olindi

Ijtimoiy tarmoqlarda “Dahshatli voqea! 8 oylik homilasi bilan kelinni bo‘g‘izlab tashlagan" sarlavhali videoxabar tarqaldi.

Bosh prokuratura matbuot xizmatining ma'lum qilishicha, 2021 yil iyun oyida U.N. Yozyovon tumani, O‘zbekiston ko‘chasida joylashgan xonadonlardan biriga kirib, mol-mulklarni qo‘lga kiritmoqchi bo‘lgan vaqtida uyda bo‘lgan homilador M.Q uni ko‘rib qolganligi sababli, uni pichoq bilan urib tan jarohati yetkazgan. Oqibatda M.Q kasalxonada vafot etgan.

Mazkur holat yuzasidan 2021 yil 23 iyun kuni Yozyovon tuman prokuraturasi tomonidan Jinoyat kodeksining tegishli moddalari bilan jinoyat ishi qo‘zg‘atilgan.

Jinoyat ishi bo‘yicha 1 nafar shaxsga ayb e'lon qilinib, unga nisbatan "qamoqqa olish" tarzidagi ehtiyot chorasi qo‘llanilgan.

Jinoyat ishini ko‘rib chiqish uchun 2021 yil 16 sentabr kuni Farg‘ona viloyat sudiga yuborilgan.