Dubayda 136 million dollarlik yarim tonna kokain topildi
Dubay huquq-tartibot idoralari maxsus reyd davomida 500 kg toza kokain topib, uni musodara qilishdi. Ta'kidlanishicha, topilgan giyohvand modda 136 mln dollarga baholangan.
Politsiyachilar ushbu jinoyat yuzasidan yaqin sharqlik bir kishini qo‘lga olgan. Ularning fikricha, ushbu shaxs xalqaro narkosindikat vositachisi hisoblanadi.
Emirates News Agency nashrining xabar berishicha, “Chayon” deb nomlangan amaliyot davomida Dubay politsiyasi BAA hududiga kokain olib kirishga urinishning oldini olgan. Ma'lumotlarga ko‘ra, giyohvand modda port orqali olib kirilib, yuk konteyneri ichiga yashirilgan bo‘lgan.
Politsiya giyohvand modda haqida ma'lumot olgach, maxsus ishchi guruh shakllantirgan va ayblanuvchi ortidan kuzatuv olib borgan. Jinoyatchilar keyinchalik giyohvand moddani AQShga jo‘natmoqchi bo‘lishgan.
Mavzuga oid
18:41 / 27.09.2024
Burj Xalifa: dunyoni hayratga solayotgan osmono‘par bino
13:10 / 24.09.2024
Germaniya supermarketlarida bananlar orasidan 95 kg kokain topildi
13:50 / 13.09.2024
Dubaydan Toshkentga uchishi kerak bo‘lgan aviareys majburan bekor qilindi
19:31 / 07.09.2024