16:09 / 18.10.2021
2633
Ўзбекистонга Pfizer вакцинасининг яна бир партияси олиб келинди

Соғлиқни сақлаш вазирлиги Ўзбекистонга келтирилган ва ишлаб чиқарилган вакциналар миқдори 29 миллион дозадан ошгани ҳақида маълум қилди.

Фото: Соғлиқни сақлаш вазирлиги

Ўзбекистонга Pfizer/BioNTech вакцинасининг 526 500 дозалик яна бир партияси олиб келинди.

«Ҳозиргина юртимизга Pfizer/BioNTech вакцинасининг 526 500 дозалик яна бир партияси олиб келинди. Бундан аввал ушбу вакцинадан 1 200 000 доза келтирилган эди», дейилади вазирлик хабарида.

Ўзбекистонга олиб келинган Pfizer/BioNTech нинг умумий миқдори 1726 500 дозага етди.

Шундай қилиб, мамлакатда эмлаш бошланганидан бери келтирилган вакцина миқдори 29 214 488 дозани ташкил қилмоқда. 

Эслатиб ўтамиз, Ўзбекистонда ота-оналар ва васийларининг розилиги асосида ихтиёрий равишда 12 ёшдан катта болаларни ҳам Pfizer/BioNTech вакцинаси билан эмлашга рухсат берилган. 

14 октябрь ҳолатига кўра, 12 ёшдан 18 ёшгача бўлган 151 124 нафар бола Pfizer вакцинаси билан ихтиёрий равишда эмланган.

Мавзу
Коронавирус Ўзбекистонда
15 март куни Ўзбекистонда коронавирусга чалинган илк бемор аниқланди.
Барчаси
Top