19:20 / 23.10.2021
6084
Кобулдаги электр станциясини портлатишда гумонланиб уч киши қўлга олинди

21 октябр куни Афғонистон пойтахти Кобул шаҳри ва қатор вилоятлар электр станциясида содир бўлган портлаш сабабли электрсиз қолганди.

Фото: Reuters

Афғонистон пойтахти Кобулда электр станциясини портлатишда гумонланиб уч киши қўлга олинди. Бу ҳақда Bakhtar агентлиги хабар берди.

"Кобулнинг Мурод Бек туманидаги электр станциясини портлатишда гумонланган уч киши қўлга олинди. Уларга нисбатан тергов ҳаракатлари олиб борилмоқда", - дея Афғонистон ИИВ матбуот котиби Саид Ҳустийнинг сўзларидан иқтибос келтирмоқда агентлик.

21 октябр куни Афғонистон пойтахти Кобул шаҳри ва қатор вилоятлар электр станциясида содир бўлган портлаш сабабли электрсиз қолганди.

Афғонистон давлат энергетика корпорациясининг (DABS) баёнотига кўра, портлаш оқибатида электр узатиш линиялари ишдан чиққан.

Top