Andijonda 4 ta avtomobil ishtirokida avariya sodir bo‘ldi

Andijon viloyati Asaka tumanida 4 ta avtomobil ishtirokida avariya sodir bo‘ldi. Hodisa oqibatida hech kim jabr ko‘rmagan. Bu haqda YHXBB axborot xizmati xabar bermoqda.

26 oktabr kuni soat 12:00 larda Andijon viloyati, Asaka tumani, "Chek" ko‘chasidan o‘tgan 4R-112 "Asaka-Farg‘ona" yo‘lining 169-kilometrida:
1) haydovchi 1998 yilda tug‘ilgan I.N. boshqaruvidagi "Damas";
2) haydovchi 1965 yilda tug‘ilgan S.B. boshqaruvidagi "Matiz";
3) haydovchi 1994 yilda tug‘ilgan O.K. boshqaruvidagi "Damas";
4) haydovchi 1992 yilda tug‘ilgan A.R. boshqaruvidagi "Kia Bongo" rusumli avtomobillar ishtirokida to‘qnashuv sodir bo‘lgan.

Hodisa natijasida tan jarohati olgan fuqarolar yo‘q. Transport vositalariga zarar yetgan.

Mazkur YTH yuzasidan Asaka tumani IIB YHXB xodimlari tomonidan surishtiruv harakatlari olib borilmoqda.

Avvalroq, Andijonda "Neksiya" va "Damas" ishtirokida YTH sodir bo‘lgani xabar qilingan edi.