21:33 / 27.10.2021
5472
Эронда ёнилғи инқирози юз берди. У хорижий давлат киберҳужуми билан изоҳланди
Фото: Reuters

Эрон ёнилғи тизими хорижий давлат киберҳужумига учради. Бу ҳақда Эрон ОАВга таяниб Reuters ахборот агентлиги хабар берди.

Бироқ гап айнан қайси давлат ҳақида кетаётганига аниқлик киритилмаган.

Бунинг оқибатида Эрондаги АЁҚШларда катта навбатлар юзага келган. Айни вақтда муаммони ҳал қилиш билан мутахассислар шуғулланмоқда ва яқин соатларда уни бартараф этиш режалаштирилган.

Шунингдек, эронликлар махсус карта ёрдамида ёнилғини арзонроқ сотиб олиш имконидан ҳам маҳрум бўлганлар.  

Хабарларга кўра, ушбу киберҳужум Эронда 2019 йил ноябрда юз берган норозилик намойишларининг 2 йиллиги арафасида содир этилган. Ўшанда ёнилғи нархининг ошиши норозиликларга ва полиция билан тўқнашувларга олиб келганди. ОАВнинг маълум қилишича, ўша намойишларни бостириш вақтида юзлаб одамлар ўлдирилган.

Top