TASS axborot agentligi OAVda e'lon qilingan ma'lumotlar va maqolalarga tayanib, pandemiya boshidan beri dunyoda koronavirusga qarshi qancha vaksina qo‘llanganini hisoblab chiqdi. Bu qiymat 7 mlrddan ko‘proq vaksinani tashkil qilgan.
Foto: Unsplash
“Ayni vaqtda odamlarga 7,001 mlrd doza vaksina kiritildi. Sayyoramizda qancha odam to‘liq emlanganini aniqlashning hozircha imkoni yo‘q”, deb ma'lum qilingan xabarda.
Buning ilojsizligi ko‘plab davlatlar faqatgina ma'qullangan vaksinalar va qancha emlash amalga oshirilgani haqidagi ma'lumotlarni e'lon qilishi bilan bog‘langan.
TASSning ta'kidlashicha, barcha qo‘llangan vaksinalarning yarmi Xitoy (2,3 mlrd doza vaksina), Hindiston (1,1 mlrd) va AQSh (0,4 mlrd) ulushiga to‘g‘ri kelmoqda.
