10:09 / 11.11.2021
9282
Банкларда доллар курси биринчи марта 10 770 сўмгача кўтарилди

Ўзбекистондаги бир нечта тижорат банкларида 11 ноябр, пайшанба куни эрталаб доллар курси кўтарилди.

Фото: KUN.UZ /Муҳаммаджон Ғаниев

Бир қатор банкларда доллар олиш 10 660 - 10 720 сўмдан, сотиш 10 770 сўмдан таклиф этилмоқда. Бу янги максимал кўрсаткич.

Қайд этиш лозимки, сўнгги марта банкларда доллар курси июн ойи ўрталарида жиддий кўтарилганди (1 АҚШ долларининг сотиш курси - 10 670 сўм).

Аввалроқ, Марказий банк хорижий валюталарнинг сўмга нисбатан янги курсларини эълон қилганди. Ушбу алмашув курслари 11 ноябр кунидан кучга кирди.

Унга кўра, бир доллар 10 715 сўм 30 тийинни ташкил қилди.

Top