20:03 / 13.11.2021
1827
Навоий вилоятининг янги раҳбари 8 соат сайёр қабул ўтказди
Фото: Навоий вилояти ҳокимлиги матбуот хизмати

13 ноябрь куни Навоий вилояти ҳокими вазифасини бажарувчи Нормат Турсунов Навоий шаҳридаги Маънавият ва маърифат марказида биринчи сайёр қабулини ўтказди. Бу ҳақда Kun.uz’га ҳокимлик матбуот хизмати хабар берди.

Фото: Навоий вилояти ҳокимлиги матбуот хизмати

Маълум қилинишича, очиқ мулоқотда Навоий шаҳри, Кармана, Навбаҳор, Хатирчи ва Конимех туманларидан келган фуқаролар ўз муаммолари бўйича мурожаат қилишган. Мурожаатларнинг аксарият қисми бандлик, уй-жой, кадастр, субсидия ва моддий ёрдам, солиқ ва суд-ҳуқуқ масалалари бўйича бўлган. 

Фото: Навоий вилояти ҳокимлиги матбуот хизмати

Қарийб 8 соат давом этган сайёр қабулда 400 нафардан зиёд фуқаро қатнашиб, 200 га яқин мурожаат кўриб чиқилган ва уларнинг 60 фоиздан кўпроғи жойида бартараф этилган. Ижроси вақт ва ўрганиш талаб қиладиган мурожаатлар эса алоҳида назоратга олиниб, ижобий ечимини таъминлаш бўйича масъул ходимларга топшириқ ва кўрсатмалар берилган.

Фото: Навоий вилояти ҳокимлиги матбуот хизмати

Нормат Турсунов 2021 йил 8 ноябрь куни Навоий вилояти ҳокими вазифасини бажарувчи сифатида ўз фаолиятини бошлаганди.

Фото: Навоий вилояти ҳокимлиги матбуот хизмати
Top